Факультет оқытушы-профессорлар құрамының Халықаралық басылымдарда, Scopus және Web of Science деректер базасында, әлемдік рейтингісі жоғары ғылыми журналдарда, ҚР БҒМ Білім және ғылым саласын бақылау комитеті ұсынатын басылымдарда 54 ғылыми-зерттеу мақалалары жарық көрді.
2022 жылы Түркістан облысы әкімі Өмірзақ Естайұлы Шүкеевтің қолдауымен факультет оқытушы-профессорларының жылдар бойғы еңбектерінің жемісі «Иасауи Антологиясы» сериясымен 9 томдық кітап болып жарыққа шықты. Халқымыздың бұл тарихи құнды жәдігерлері қазақ тілінде оқырмандарға тұңғыш рет жол тартты. Бұл антологиялық жинақта «Жауахир-ул-Абрармин Әмуәжил-Бихар» Теңіз толқындарындағы ізгіліктің жауһарлары (Сұлтан Ахмет бин Махмұд Хазини әл-Хисари), «Рашахат айн әл-хаят»  Тіршілік көзінің сыр тамшылары (Мәулана Әли ибн Хусейн), «Тариқат әдебі туралы Рисала» (Құл Қожа Ахмет Иасауи), «Пақырнама» (Құл Қожа Ахмет Иасауи), «Диуани Хикмет» (Құл Қожа Ахмет Иасауи), «Бустан ул-Мухиббин» (Шайх Худайдад Таш-Мұхаммад әл-Бухари),«Хужжат уз-Закирин ли-раддил мункирин» (Мәулана Мұхаммед Шәриф), «Жүректің айнасы» (Құл Қожа Ахмет Иасауи),  «Хадиқат ул-Арифин» (Исхақ ибн Исмаил Ата әл-Қазығұрти) және «Иасауи жолының тарихы» атты құнды жәдігерлердің аудармалары, транскрипциясы һәм ғылыми сипаттамалары факультеттің оқытушы-профессорлары тарапынан жасалып ғылыми айналымға енгізілді.
Факультетте Л.Гумилев атындағы ЕҰУ-нің дінтану кафедрасы және әл-Фараби атындағы ҚазҰУ-нің дінтану кафедрасымен, Түркология ғылыми зерттеу институтымен ғылыми жұмыстар бойынша интеграциялану келісім-шарты жасалған. Л.Гумилев атындағы ЕҰУ-нің дінтану кафедрасымен «Орталық Азиядағы діни рухани үдерістер және оның түрік халықтарының тарихи тағдырына ықпалы» тақырыбында, әл-Фараби атындағы ҚазҰУ-нің дінтану кафедрасымен «Қоғамда және тұлға бойында экстремизммен радикализмге қарсы діни сананы қалыптастыру» тақырыбында ғылыми-зерттеу жұмыстары жүргізілуде. Дінтану кафедрасының доценті, ғылым докторы (PhD) Абдрасилов Тұрғанбайдың жетекшілігімен «Түркі ғалымдарының әлемдік өркениетке қосқан үлесі» атты жалпы соммасы 12 млн тенгені құрайтын ғылыми жоба орындалуда.
2021-2022 оқу жылында ғылым докторы (PhD), доцент Абдрасилов Тұрғанбай ҚР Білім және ғылым министрлігінің «ЖОО үздік оқытушысы-2021» мемлекеттік байқауының жеңімпазы атанды.
2021 жылдың қыркүйек айынан бері факультет ғалымдары Конфессияаралық және өркениетаралық диалогты дамыту жөніндегі Н.Назарбаев орталығымен бірлесе отырып, Халықаралық және Республикалық деңгейдегі дөңгелек үстелдерге жүйелі түрде баяндамашы ретінде қатысып келеді.
Теология факультетінің оқытушы-профессорлар құрамы Қазақстан Мұсылмандар Діни басқармасының тапсырысы негізінде Ислам энциклопедиясын құрастыруға белсенді атсалысуда.
2022-2023 оқу жылының басынан бастап  Теология және филосософия ғылымдарының докторы, профессор Кенжетаев Досай Тұрсынбайұлының авторлығында Түркістан телеарнасынан «Ясауи әлемі» ғылыми-танымдық бағдарламасы көрерменге жол тартты. Аталмыш телебағдарламаға қатысушы факультеттің ғалымдары әр апта сайын Қазақстан халқына төл мәдениетіміздің мәйегі — Ясауи ілімінің рухани қыр-сырларын ғылыми тұрғыда түсіндіріп, бәсі биік ұлттық құндылықтарымызды паш етуде талмай еңбек етіп келеді.