Біліктілікті арттыру орталығы – Ахмет Ясауи Университеті

Біліктілікті арттыру орталығы

Туркестан қ, Б.Саттарханов даңғылы, 29 Корпус №1, №314
+7 (72533) 6-36-36 (11-82)

Біліктілікті арттыру орталығы

Қожа Ахмет Ясауи атындағы Халықаралық қазақ-түрік университетінің біліктілікті арттыру орталығы Университет Жарғысы, Орталық туралы ереже негізінде әрекет етеді және Академиялық мәселелер вице-ректорына тікелей бағынады.

Орталықтың негізгі мақсаттары:

— біліктілік шеңберінде кәсіби деңгейді жетілдіру және (немесе) кәсіби қызмет үшін қажетті жаңа құзыреттілікті алу;

— ОПҚ-ны білім берудің жаңартылған мазмұнын, құрылымын және инновациялық технологияларын оқу процесіне енгізуге даярлау;

— университеттің бәсекеге қабілетті мамандарды даярлау сапасын арттыру;

— білім беру процесінің менеджментін жетілдіру болып табылады.

Орталықтың қызметі келесі міндеттерді шешуге бағытталған:

— педагогикалық және кәсіби шеберлікті арттыру, кәсіби құзыреттілікті меңгеру;

— ғылымның, прогрессивті техника мен технологияның заманауи жетістіктері негізінде теориялық және практикалық білімді тереңдету;

— оқыту нысандарын, әдістері мен құралдарын жетілдіру ;

— кәсіптік білім берудің инновациялық технологияларын тарату және игеру;

— педагогикалық технологияларды жетілдіру және заманауи технологияларды енгізу;

— педагог кадрлардың жетекші кәсіби шеберліктерін, кәсіби-жеке қасиеттерін, шығармашылық қабілеттерін дамыту, олардың ғылыми әлеуетін арттыру;

Негізгі бағыттары:

— біліктілікті арттырудың перспективалық жоспарына сәйкес оқытушыларды ҚР орталық және жақын және алыс шетел ЖОО-на жіберу;

— жоғары мектеп педагогикасының өзекті мәселелері, кредиттік оқыту технологиялары, компьютерлік технологиялар негіздері және т. б. бойынша құрылымдық бөлімшелердің басшылары, ЖОО оқытушылары мен қызметкерлері үшін курстық іс-шаралар ұйымдастыру;

— мектепке дейінгі ұйымдардың қызметкерлері, қала мен облыстың мұғалімдері мен мектеп қызметкерлері, орта-арнайы, кәсіптік білім беру басшылары, кәсіпкерлер үшін курстық іс-шаралар ұйымдастыру;

— педагогикалық білімі жоқ, кәсіптік білімі бар азаматтарды қайта даярлау;

— педагогикалық бейін бойынша білім беру бағдарламасын оқыту;

— түлектердің қосымша білім алу қажеттіліктерін қанағаттандыру.

— мекемелер қызметкерлерінің сұраныстарына қарай курстар ұйымдастыру.

Біліктілікті арттыру орталығы оқытудың мынадай түрлерін пайдалана отырып бағдарламаларды іске асырады:

— қысқа мерзімді курстар;

— ұзақ мерзімді курстар

— онлайн курстар;

— тренингтер;

— семинарлар;

— вебинарлар;

— дайындық курстары.