Даму және үйлестіру департаменті

Департамент қаржы және халықаралық байланыстар вице-ректорына тікелей бағынады. Даму және үйлестіру департамент өз қызметінде Қазақстан Республикасының тиісті заңдарын, мемлекеттік стандарттарын, ХҚТУ Жарғысын, университет ректорының бұйрықтары мен вице-ректордың өкімдерін басшылыққа алады.

Департамент жұмысының нәтижесіне департамент бастығы толығымен жауап береді.

Міндеттері:

Департамент жұмысын жоспарлау және ұйымдастыру;

Департаменттің штат санын анықтап, бөліп отыру;

Жарты жылдық және оқу жылының соңында департамент жұмысы жайлы есеп беру;

Департаментке қарасты обьектілерде жүріп жатқан жұмыстарға басшылық жасау;

Департаментке қарасты қызметкерлердің жұмысына, тәртібіне басшылық жасау;

Арнайы және кезектен тыс болатын іс-шаралардың орындалуын вице-ректормен келісе отырып қадағалау;

Университеттін веб-сайтына енгізу үшін департаментке қарасты бөлімдер жайлы мәлімет беріп отыру.

Қызмет барысында өзіне сеніп тапсырылған университет мүліктерінің материалдық құндылықтарының сақталуын қамтамасыз етпесе, онда оның орнын қолданылып жүрген заңдарда көзделген тәртіпте толтырады.

Даму және үйлестіру департаментіне   «Яссы» қонақ үйі, «Студенттік асхана» орталығы  қызметтік буындары бағынады.